काभ्रेमा ४ जना कोरोना संक्रमित थपिए छन् ।
स्वास्थ्य कार्यालय काभ्रेका बरिष्ठ स्वास्थ्य प्रशासक डाक्टर पुरुषोत्तम राज सेढाईका अनुसार बितेको २४ घण्टामा ४ जनामा संक्रमण पुष्टि भएको हो ।
बितेको २४ घण्टामा ६१ जनाले परीक्षण गराएका थिए । योसँगै जिल्लामा सक्रिय संक्रमितको संख्या ३३ पुगेको छ । आज एक जना पनि संक्रमित निको भएका छैनन् ।
सबैभन्दा बढी सक्रिय संक्रमितको संख्या ११ जना बनेपामा रहेका छन् । धुलिखेल नगरपालिकामा ९ रहेका छन् भने पनौती नगरपालिकामा ७ जना, भुम्लु गाउँपालिका ३ जना, पाँचखाल नगरपालिका २ जना र नमोबुद्ध नगरपालिका १ जना सक्रिय संक्रमित छन् ।
Facebook Comments