सिन्धुपाल्चोक जिल्लामा निर्माणधिन मध्य भोटेकोशी जलविद्यूत कम्पनीमा कार्यरत सेक्युरिटी गार्ड चोर्दा चोर्दै गरेको अवस्थामा रंगेहात पक्राउ परेका छन् ।
गएराति कम्पनीको सामान चोर्दै गर्दा प्र हरी र नेपाली सेनाको टोलीले उनीहरुलाई पक्राउ परेको हो । तीन जना सेक्युरिटी गार्ड पक्राउ परेका छन् । तीनै जना ग्रुप फोर्स सेक्युरिटी कम्पनी मार्फत आयोजना स्थलमा सेक्युरिटीको काम गर्दै आएका थिए ।
पक्राउ पर्नेमा बाह्रबिसे नगरपालिका वडा नम्बर ८ का मान बहादुर तामाङ, राजमान तामाङ र वडा नम्बर ५ का वाङदी तामाङ रहेका छन् । पक्राउ परेका तीनै जनालाई इलाका प्र हरी कार्यालय बाह्रबिसेमा राखिएको छ ।
आयोजना प्रभावित क्षेत्रका स्थानीयहरुले यसअघिदेखि नै मध्यभोटेकोशी जलविद्यूत आयोजना निर्माण गरिरहेको चिनियाँ ठेकेदार कम्पनीमा कार्यरत सेक्युरिटी गार्डहरूले रातारात सामान चोरेर बेच्ने गरेको बताउँदै आएका थिए । ठेकेदार कम्पनीले खासै वास्ता गरेको थिए ।
तर मध्यरातमा सामान चोर्दै गर्दा सेक्युरिटी गार्ड पक्राउ परेपछि स्थानीयले भनेको कुरा सत्य साबित भएको छ । प्रभावित क्षेत्रका स्थानीयले आयोजना स्थलमा सेक्युरिटी गार्ड खटाउने ग्रुप फोर्स कम्पनीलाई समेत घटनाको उचित छानविन गरेर कारबाही गर्न माग गरेका छन् ।
आयोजना, ठेकेदार कम्पनी र प्रभावित क्षेत्रका स्थानीय बीच विगतमा भएको सम्झौता अनुरूप रोजगारीको विषयमा प्रभावित क्षेत्रका स्थानीयहरूलाई प्राथमिकता दिने भनेता पनि ठेकेदार कम्पनीले स्थानीयसँगको सहमति विपरीत सेक्युरिटीको जिम्मा अर्को कम्पनीलाई दिएको हो ।
त्यसैको परिणाम स्वरुप आयोजनाको सामान चोरीमा आयोजनाकै कर्मचारीहरु संलग्न हुँदै आएको पुष्टि भएको छ ।
Facebook Comments