एमाले निकट विद्यार्थी संगठन अनेरास्ववियु काभ्रेका पालिका अधिवेशन आज भइरहेको छ ।
जिल्लाको ९ वटा पालिकामा अधिवेशन हुन बाँकी थियो । जसमध्ये पाँचखाल नगरपालिकामा अधिवेशन सकिएको छ ।
एमालेका काभ्रेका नेता कञ्चन अधिकारीको प्रमुखआतिथ्यतामा भएको अधिवेशनले सन्देश बोलखेको अध्यक्षतामा अनेरास्ववियुको पाँचखाल नगर कमिटी गठन गरेको हो ।
उपाध्यक्षमा अभाष ग्लान, सचिबमा सञ्जय अधिकारी, सचिबमा रोशन ढुंगाना, सोम चिमोरिया र प्रजिता ढुंगाना तथा कोषाध्यक्षमा विकास योञ्जन रहनुभएको छ ।
आज रोशी, भुम्लु, चौरीदेउराली, खानीखोला, तेमाल, महाभारत गाउँपालिका, बनेपा, र नमोबुद्ध नगरपालिकामा पनि अधिवेशन भइरहेको छ ।
अनेरास्ववियुका जिल्ला अध्यक्ष गोविन्द उप्रेतीका अनुसार ४ वटा स्थानीय तहमा यसअघि नै अधिवेशन सकिएको छ । धुलिखेल, मण्डनदेउपुर, पनौती नगरपालिका र बेथानचोक गाउँपालिकामा अधिवेशन सकिएको हो ।
अनेरास्ववियुले आज नै स्वतन्त्र विद्यार्थी युनियनको निर्वाचन हुने काभ्रेको २२ वटा कलेजमा अधिवेशन गर्दैछ । काभ्रे बहुमुखी क्याम्पस, चैतन्य बहुमुखी क्याम्पस, इन्द्रेश्वर बहुमुखी क्याम्पस, सर्वमंगला बहुमुखी क्याम्पस लगायत क्याम्पसमा अनेरास्ववियुको अधिवेशन हुनेछ ।
Facebook Comments