नेकपा माओवादी केन्द्र बागमती प्रदेश कमिटी सचिबमा काभ्रेका नेता इन्द्र बहादुर थिङ (छिन्ताङ) विजयी हुनुभएको छ ।
गएराति सकिएको मत गणना अनुसार छिन्ताङ १४९ मत ल्याएर विजयी हुनुभएको हो । १ जना सचिबका लागि तीन जना प्रतिस्पर्धा गरेका थिए । जसमा धर्म डंगोलले १४ र रामप्रसाद अधिकारी (आरसी) ७८ मत मात्रै प्राप्त गर्नुभएको छ ।
अध्यक्षमा काभ्रे चौरीदेउराली गाउँपालिकाका अध्यक्ष दिननाथ गौतम पराजित हुनुभएको छ । गौतम ८६ मत प्राप्त गर्नुभएको छ भने सिन्धुपाल्चोकका सरल सहयात्री पौडेलले १६२ मत प्राप्त गर्दै अध्यक्षमा विजयी हुनुभएको हो ।
अध्यक्षमा गौतम र पौडेलको मात्रै उम्मेदवारी परेको थियो । ३ जना उपाध्यक्षका लागि १० जनाको उम्मेदवारी परेको थियो । जसमा १७८ मत सहित रुपा महर्जन, १०१ मत सहित रामप्रसाद ढुंगाना र १३८ मत सहित प्रेम बहादुर पुलामी निर्वाचित हुनुभएको बागमती प्रदेश निर्वाचन समितिले जनाएको छ ।
३ जना सहसचिबमा ९ जनाले उम्मेदवारी दिएका थिए । जसमध्य दल बहादुर बुर्लाकोटी ११५ मत, माधव प्रसाद लामिछाने १०९ मत र प्रकाश श्रेष्ठ १०८ मत सहित विजयी हुनुभएको छ ।
१ जना कोषाध्यक्ष पदका लागि ३ जनाले उम्मेदवारी दिएका थिए । त्यसमा संगीता भट्टराई १५३ मत सहित विजयी हुनुभएको छ । पदाधिकारीमा सहमति हुन नसकेपछि माओवादी केन्द्रको अधिवेशन सदस्यमात्रै चयन गरेर सकिएको थियो ।
Facebook Comments