सारथी नेपालको मानव अधिकार तालिम सकियो

काभ्रेको बनेपामा मानव अधिकार सम्बन्धी तालिम सकिएको छ ।

सामुदायिक सारथी नेपालले आयोजना गरेको ‘मानव अधिकार प्रतिवेदन, संयन्त्र र नागरिक समाजको भूमिका’ विषयक तालिम सकिएको हो । तालिम हिजो र आज दुईदिन चलेको थियो ।

तलिममा पाँचखाल, पनौती, धुलिखेल, बनेपा नगरपालिका, बेथानचोक र चौरीदेराली गाउँपालिकाबाट सहभागी थिए । त्यस्तै पत्रकार, नागरिक समाजका अगुवा, जवाफदेहि निगरानी समूहका प्रतिनिधि सहभागी रहेका थिए ।

सहभागिहरुलाई एमनेष्टि इन्टरनेश्लका पूर्व अध्यक्ष राजु सरकार, मानव अधिकारकर्मी बासुदेव बजगाईं, कृष्णप्यारी नकर्मी, दिगो विकासका अभियान्त एवं मानव अधिकारी कर्मी दयासागर श्रेष्ठले मानव अधिकारको बदलिँदो अवस्था, स्थानीय तहमा मानव अधिकार सम्बन्धी कानुन, कार्यन्वयनको अवस्था लगायतका विषयमा जानकारी गराउनुभएको सामुदायिक सारथीका कार्यक्रम ब्यवस्थापक अलिन खनालले जानकारी दिनुभयो ।

सहभागिहरुले तालिम अत्यन्तै उपयोगी भएको बताएका छन् । मानव अधिकारको क्षेत्रमा भैरहेका परिवर्तन, नयाँ कानुन, मानव अधिकार रक्षकहरुको भुमिकाका बारेमा बुझ्न पाउँदा निकै खुशी भएको सहभागिहरुले बताए ।