बनेपामा मानव अधिकार सम्बन्धी तालिम सुरू

काभ्रेको बनेपामा मानव अधिकार सम्बन्धी तालिम सुरू भएको छ ।

‘मानव अधिकार प्रतिवेदन, संयन्त्र र नागरिक समाजको भूमिका’ विषयक तालिम सुरू भएको हो । तालिम आज र भोली दुईदिन चल्ने छ ।

तालिममा पनौती, धुलिखेल, बनेपा, बेथानचोक र चौरीदेराली गाउँपालिकाबाट सहभागी छन् । तालिम पत्रकार, नागरिक समाजका अगुवा, जवाफदेहि निगरानी समूहका प्रतिनिधि सहभागी रहेको सामुदायिक सारथीका ब्यवस्थापक अनिल खनालले जानकारी दिनुभयो ।

सामुदायिक सारथीले तालिमको आयोजना गरेको हो । मानव अधिकार बदलिँदो अवस्था, स्थानीय तहमा मानव अधिकार कानुन, कार्यन्वयनको अवस्था लगायतका विषयमा छलफल हुनेछ ।