नेकपा (एकीकृत समाजवादी) का केन्द्रीय सदस्य, बागमती प्रदेश कमिटीका उपाध्यक्ष एवं काभ्रे जिल्ला इन्चार्ज टोक बहादुर वाइबाले अमुल्य मत दिएर जिताएका नेताबाट सिँगो जिल्लाकै बदनाम हुने कुरा आफुहरुले कहिल्यै कल्पना नगरेको बताउनुभएको छ ।
आज नेकपा (एकीकृत समाजवादी) को ज्याम्दीमा वडा भेलालाई सम्बोधन गर्दै इन्चार्ज वाइबाले लाज पचाएर गोकुल बाँस्कोटा अहिले गाउँ गाउँ डुलिरहेको बताउनुभयो ।
‘हामीले जुन उद्देश्यका साथ उहाँलाई जिताएर पठाएका थियौँ । त्यो भन्दा ठीक विपरित काम गर्नुभयो । गोकुल जीले त लाज मान्नु पर्ने हो । सरम लाग्नु पर्ने हो । जनताले पनि कसरी हेर्ने होला ? इन्चार्ज वाइबाले भन्नुभयो ।’
एमालेका पुराना, घर घर, गाउँ गाउँ, टोल बस्ती पुगेको र जनताको भावना बुझ्ने नेता सबै नेकपा (एकीकृत समाजवादी) पार्टीमा आवद्ध रहेको भन्दै अहिले संख्या थोरै हुँदैमा आत्तिनु पर्ने अवस्था नरहेको प्रष्ट पार्नुभयो ।
‘गोकुल बाँस्कोटा बाहेक मालेदेखि एमाले हुँदासम्म काभ्रेली जनताको सुःख, दुःखमा साथ दिँदै आएका सबै नेताहरु नेकपा (एस) मै छौँ । संख्याभन्दा पनि विचार ठूलो कुरा हो । हामी विचारमा अडिक छौँ । विचलित हुनु पर्ने कुनै कारण छैन् । इन्चार्ज वाइबाले भन्नुभयो ।’
Facebook Comments