काभ्रेको भुम्लु गाउँपालिका वडा नम्बर-९ मा नेकपा (एकीकृत समाजवादी) ले वडा कमिटी गठन गरेको छ ।
अध्यक्षमा जीवन कुमार लामा, उपाध्यक्षमा मोनिका बराईली, सचिबमा राजेन्द्र थापा, उपसचिबमा कान्छा कामी र राम बहादुर तामाङ रहनु भएको छ ।
आज ज्याम्दीका पुराना बामपन्थी नेता खेचर थापाको सभापतित्व भएको पहिलो भेलाले युवा संघ नेपालको वडा कमिटी पनि गठन गरेको छ । अध्यक्षमा जनक तामाङ रहनुको छ । त्यस्तै उपाध्यक्षमा नविन ठकुरी, सचिबमा माईकल लामा रहनुभएको छ ।
भेलाले खेचर थापा संयोजक रहेको किसान संघको वडा कमिटी पनि गठन गरेको छ ।
कार्यक्रमका प्रमुख अतिथी केन्द्रीय सदस्य विदुर सापकोटा, विशेष अतिथि केन्द्रीय सदस्य, बागमती प्रदेश कमिटी उपाध्यक्ष एवं काभ्रे जिल्ला ईन्चार्ज टोक बहादुर वाईबा र केन्द्रीय सदस्य एवं बागमती प्रदेश कमिटी सचिब एवं सांसद सांसद लक्ष्मण लम्साल हुनुहुन्थ्यो ।
भुम्लु पालिका कमिटीका ईन्चार्ज सुरेश कक्षपतिले विकास निर्माणमा गाउँपालिका प्रमुखले समेत विभेद गरेको बताउनुभयो । उहाँले नदी प्रदूषण र दोहन गरेर एमालेका नेताहरूले अकुत आर्थिक लाभ लिईरहेको बताउनुभयो ।
भुम्लु पालिका कमिटीका अध्यक्ष प्राणनाथ न्यौपानेले केपी ओली प्रवृत्तिका विरुद्ध एमालेबाट विद्रोह गर्नु परेको भन्दै नेकपा (एस) ले जनाताको दैनिक जीवनसंग सरोकार राख्ने काम गर्ने बताउनुभयो ।
भेलामा बोल्दै भुम्लु गाउँपालिकाका उपाध्यक्ष कल्पना श्रेष्ठले सूर्य चिन्हको आडमा गाउँ गाउँ भ्रष्टाचार मौलाएको भन्दै त्यस्ता प्रवृत्तिका विरुद्ध आगामी निर्वाचनमा नेकपा (एकीकृत समाजवादी) लाई सहयोग गर्न पनि आग्रह गर्नुभयो ।
अनेरास्ववियू काभ्रेका अध्यक्ष बदन भण्डारीले युवा पुस्ताले भ्रष्टाचार नगर्ने प्रतिबद्धता जनाउनु पर्नेमा जोड दिनुभयो । गोकुल बाँस्कोटाको ७० करोड काण्ड प्रति ईंकित गर्दै उहाँले काभ्रेली जनताको हित बिपरित काम गर्ने कुनै पनि पार्टीका नेतालाई छुट नरहेको बताउनुभयो ।
कार्यक्रममा युवा संघका केन्द्रीय दिपक ठकुरी, खेलकुद महासंघको केन्द्रीय सदस्य भिम कुमार तामाङ, जिल्ला कमिटी सदस्य तथा युवा संघ नेपालका जिल्ला कमिटी सदस्यहरू उपस्थित भएका थिए ।
Facebook Comments