काभ्रे एमालेबाट राष्ट्रिय राजनीतिमा गोकुल बाँस्कोटाले ठूलो छलाङ मारेका छन् ।
केपी ओलीको पछुवा बनेपछि राष्ट्रिय राजनीतिमा काभ्रे एमालेले राम्रै स्थान पाएको हो । २०७४ सालको निर्वाचनमा देशभरमा दोस्रो धेरै मत ल्याएर बाँस्कोटा विजयी बने ।
क्याविनेटमा भाग लिने गरी सञ्चार राज्यमन्त्रीको रुपमा मन्त्रालय प्रवेश गरे बाँस्कोटा । त्यसको केहि महिनामै फुल मन्त्री सहित सरकारकै प्रवक्ताको जिम्मेवारी समेत बाँस्कोटाले पाए ।
तत्कालीन नेकपामा खटपट आयो । पार्टी फुट्यो । ओलीले केन्द्रीय सदस्यमा मनोनीत गरे बाँस्कोटालाई । त्यसको केहि महिनापछि चितवनमा सकिएको १० औं महाधिवेशनमा पनि ओलीको लिष्टमा केन्द्रीय सदस्यमा छुटेनन् ।
केन्द्रीय कमिटीको पहिलो पूर्ण बैठकले पोलिटब्युरो गठन गर्यो । यसमा पनि बाँस्कोटा अटाए । पार्टी फुट र ओलीको पछि लाग्दाको बढी फाईदा पाउनेमा गोकुल बाँस्कोटा र काभ्रे एमाले पनि अग्रपंक्तिमै आउँछ ।
पार्टी फुटेपछि काभ्रेमा बाँस्कोटालाई काउण्टर दिने कोहि पनि नेता छैन् एमालेमा छैन् । आफुले नपाएपछि अरूलाई हुनै नदिने नीति अख्तियारी गर्ने बाँस्कोटा अन्ततः सफल भएको देखिन्छन् ।
उनी ओलीकै लाईनमा छन् । आफ्नो हरेक कुरा सबैले ठीक मानिदिनु पर्ने, असहमति जनाउन नपाउने ओली नीति बाँस्कोटाले जिल्लामा पनि लागु गर्दै आएका छन् । बाँस्कोटा एमाले काभ्रेका ईन्चार्ज पनि हुन् ।
तर मन्त्री हुँदा लागेको ७० करोडको अरोप चाहिँ बाँस्कोटाको राजनीतिक जीवनको सबैभन्दा ठूलो धब्बा बन्ने छ । अबको निर्वाचनमा ७० करोड नै उनका लागि अभिशाप बन्ने देखिन्छ ।
यद्यपि बाँस्कोटाले राष्ट्रिय मिडियामा ७० करोडको आरोपको दाग मेटाउन ७० हजार भन्दा बढी मत ल्याएर विजयी हुने दाबी गर्दै आउनुभएको छ । तर मिडियामा भने जस्तो भुगोलमा त्यस्तो देखिँदैन । ७० करोड काण्डपछि बाँस्कोटाको पक्षमा जनता माज बोल्ने ल्याकत उनकै अघिपछि हिड्नेहरूले समेत नराखेको देखिन्छ ।
केहि समय अघिसम्म ७० करोड काण्डमा चुप बसेका काँग्रेस, नेकपा माओवादी केन्द्र, नेकपा (एकीकृत समाजवादी) लगायत जिल्लाका साना ठूला दलका नेताहरू अहिले हरेक सार्वजनिक कार्यक्रममा कतै न कतै बाँस्कोटाको नाम लिएरै भाषण गरिरहेका हुन्छन् ।
जे होस् काभ्रे एमालेले राष्ट्रिय राजनीतिमा ढिलै भए पनि अवसर पाएको छ । यसलाई एमालेले सहि ढंगबाट उपभोग गरेर जिल्लाको विकास निर्माणमा लगाउन सक्यो भने जनताको जीवनस्तर उकासिनेमा दुई मत छैन् ।
Facebook Comments