एमाले काभ्रे अध्यक्षमा पाण्डेको चर्चा सुरु

एमाले केन्द्रीय कमिटी बैठकले जिल्ला अधिवेशनको मिति तोकेसंगै काभ्रेमा जिल्ला अध्यक्षका लागि दौडधुप सुरू भएको छ ।

भावी अध्यक्षको आकांक्षीमा वर्तमान जिल्ला सचिब नारायण पाण्डे पनि देखिनु भएको छ । पाण्डे काभ्रे एमालेको ईमान्दार तर अवसर नपाउने नेताको रूपमा चिनिनुन्छु ।

पाण्डे ९ औं जिल्ला अधिवेशनबाट सचिब पदमा निर्वाचित हुनुभएको हो । उहाँले हरिशरण दाहाललाई पराजित गराउनु भएको थियो । दाहाल माधव कुमार नेपाल र पाण्डेले केपी ओली गुटबाट सचिब पदमा प्रतिस्पर्धा गर्नुभएको थियो ।

पाण्डे काभ्रे एमालेको राजनीतिमा निकै पीडित ब्यक्तिका रूपमा चिन्ने धेरै छन् । तत्कालीन एमाले जिल्ला सचिब विदुर सापकोटा र रामहरि सुवेदीका समाकालिन पाण्डे गोकुल बाँस्कोटा भन्दा सिनियर नेता हुनुहुन्छ । तर अवसरका हिसाबले पाण्डेलाई सधै पछिपारिँदै आएको छ ।

कतिपयले भने बिचको समयमा पाण्डे स्वयं राजनीतिमा निस्क्रिय भएकाले अवसर नपाएको बताउँछन् । पाण्डेले जिल्ला सचिबको जिम्मेवारी कुशलतापूर्वक निर्वाह गर्नुभएकाले यो पटक जिल्ला कमिटी अध्यक्ष बनाउनु पर्ने भन्दै एउटा समूह सक्रिय बनेको छ । तर गोकुल बाँस्कोटाको हातमा निर्भर हुनेछ ।

(यो समाचार थप विवरणसहित अपडेट गरिएको छ । विगतको केही विवरण हटाईएको छ । -सम्पादक)