बनेपा नगरपालिकाको वडा नम्बर १२ मा विभिन्न पार्टी परित्याग गरी नेकपा (एकीकृत समाजवादी) प्रवेश गर्नेको लर्को लागेको छ । हिजो एकैदिन एउटै वटाबाट अन्य पार्टीका १०१ जनाले (एकीकृत समाजवादी) रोजेका हुन् ।
एमाले, नेपाली काँग्रेस र नेकपा माओवादी केन्दका नेता कार्यकर्ताले नेकपा (एकीकृत समाजवादी) रोजेका हुन् । उनीहरुलाई नेकपा (एस) का पोलिटब्यूरो सदस्य कृष्णप्रसाद सापकोटा र सांसद बसुन्धरा हुमागाईले स्वागत गर्नुभएको थियो ।
वडा नम्बर १२ मा वडा कार्यालय पनि उदघाटन गरिएको छ । प्रमुख आतिथी पोलिटब्यूरो सदस्य केपी सापकोटाले वडा कमिटीको कार्यालय उदघाटन गर्नुभएको हो ।
यसैबीच नेकपा –एकीकृत समाजवादी) ले वडा नम्बर ३ मा वडा कमिटी गठन गरेको छ । पोलिटब्यूरो सदस्य सापकोटाको प्रमुख आतिथ्यता र जिल्ला उपाध्यक्ष बसुन्धरा हुमागाईको विशेष आतिथ्यतामा भएको भेलाले वडा कमिटी गठन गरेको हो ।
वडा कमिटीको अध्यक्षमा प्रकाश दाहाल रहनुभएको छ । उपाध्यक्षमा गोर्वधन श्रेष्ठ, सचिबमा श्रृजना दाहाल र सहसचिबमा गणेश परियार रहनुभएको छ । ३५ सदस्यीय वडा कमिटी गठन भएको हो ।
पवन दाहाल संयोजक रहेको युवा संघ नेपालको वडा कमिटी पनि गठन गरिएको छ । कार्यक्रममा बनेपा नगर इन्चार्ज राजकृष्ण गिरी, युवा संघ नेपालका केन्द्रीय सचिब भेषराज शाह, नगर सहइन्चार्ज सचिता नन्द केसी, बनेपा नगर अध्यक्ष रघुबर चौ प्रधान, नगर उपाध्यक्ष दिननाथ दाहाल लगायत सहभागि हुनुभएको थियो ।
Facebook Comments