धुलिखेल–५ मा नेकपा (एस) को वडा कमिटी गठन, एमालेलाई ठूलो झड्का ?

धुलिखेल नगरपालिका वडा नम्बर ५ मा नेकपा (एकीकृत समाजवादी) ले आफ्नो सानदार ढंगले वडा कमिटी गठन गरेको छ ।

अघिल्लो दिन कार्यक्रम सहभागि भैदिन घर घरमा निम्तो दिन क्रममा केहि बौद्धिक र एमाले समर्थकहरुले तिमीहरुको पार्टीमा ४ जना पनि उपस्थित हुँदैन किन आउनु भनेर जवाफ दिएको स्मरण गर्दै नेकपा (एस) का धुलिखेल नगर कमिटी इन्चार्ज हरिगोपाल प्रधानाङ्गले भने ‘यो तपाईहरुको उपस्थितिले हाम्रो पार्टीलाई ठूलो हौसला प्रदान गरेको छ ।’

प्रकाश सामुदायिक पुस्कालयको हलमा भेला आयोजना गरिएको थियो । भेलामा महिला, पुरुष, बृद्धबृद्धाको सम्मान उपस्थिति थियो । भेलाले राम कृष्ण श्रेष्ठको अध्यक्षतामा ३५ सदस्यीय वडा कमिटी गठन गरेको छ । वडा कमिटीको उपाध्यक्षमा हरि प्रसाद हुमागाई, सचिबमा पार्वती थापा र उपसचिबमा रवि किरण कर्माचार्य रहनुभएको छ ।

त्यसैगरी उमेश थापाको संयोजक र अशेष प्रधानाङ्ग सचिब रहेको युवा संघ नेपालको वडा कमिटी गठन गरिएको छ । भेलाले पार्वती थापा संयोजक र सुभाना प्रधानाङ्ग सचिब रहेको अखिल नेपाल महिला संघको वडा कमिटी पनि गठन गरिएको छ । त्यस्तै ७ सदस्यीय सल्लाहाकार समिति पनि गठन गरिएको छ ।

वडा नम्बर ५ एमालेको निकै राम्रो जनधार भएको वडा मानिन्छ । यो वडामा २०७४ सालमा भएको स्थानीय तहको निर्वाचनमा एमालेका उम्मेदवार जम्मा ५ मतले पराजित भएका थिए । बाँकी सबै वडा सदस्य एमालेकै छन् ।

एमालेमा रहेका सबै जसो पुराना नेताहरुको समर्थन नेकपा (एकीकृत समाजवादी) पार्टीमा देखिएको छ । वडा भेलाको अध्यक्षता नै श्रीखण्डपुरका पुराना कम्युष्टि नेता राम कृष्ण श्रेष्ठले गर्नुभएको थियो । प्रमुख अतिथी लक्ष्मण लम्साल र विशेष अतिथी पूर्ण बहादुर कर्माचार्य रहनुभएको थियो ।

कार्यक्रमा जिद्यल्ला कमिटी सचिवालय सदस्य एवं नगर कमिटी अध्यक्ष दयासागर श्रेष्ठ, जिल्ला कमिटी सदस्य विष्णु सापकोटा, रमेश गौतम, युवा संघ नेपालका जिल्ला कमिटी अध्यक्ष प्रताप लामा, नगर कमिटी उपसचिब टिका प्रसाद हुमागाईं लगायतका नेताहरु सहभागि हुनुभएको थियो ।